ഏഴു ചെറു കവിതകള്‍

ജോയ് ജോസഫ്‌ 


1  കരിക്ക് 


എത്ര മധുരം നിറച്ചുള്ളില്‍

 കുലുങ്ങി ചിരിക്കുന്നു നീ

ആ തലച്ചോറ് കാര്‍ന്നു തിന്നാന്‍

ഉള്ളില്‍ കൊതിക്കുന്നു ഞാനും

 

2  ഗിറ്റാര്‍

 

പ്രണയത്തിന്റെ ഗിറ്റാറാണ് നീ

.നിന്നെ മിട്ടുമ്പോള്‍

എന്റെ വിരലുകളില്‍ ചോര പടരുന്നു

 

.3  പക

 

നദികളെ വേദനിപ്പിച്ചു  വിടരുത്

എന്നെങ്കിലും അവ തിരിച്ചൊഴുകി

പക വീട്ടും

4  ഓള്

 

മഴ കുന്നിറങ്ങി വന്നു

ജനാലക്കു പുറത്തു കരഞ്ഞു പെയ്യുമ്പോള്‍

അവളെ ഓര്‍ക്കും

മഴ തന്നെയായിരുന്നില്ലേ

ഓളും?


5   തലയിണ

 

പ്രിയ മിത്രമേ

എത്ര വേഗം

നീയെന്റെ കണ്ണീരെല്ലാം

ഒപ്പിയെടുക്കുന്നു

 

6 അല 

 

മരിച്ചു പോയവരെ

പ്രിയപ്പെട്ടവരെ,

നിങ്ങളുടെ ഓര്‍മ്മകള്‍

അലയടിച്ചെത്തുകയാണ്

 

7 കത്രിക

 

എഴുത്തിന്‍റെചങ്കിലേക്ക്‌ തന്നെയാണ്

പത്രാധിപരുടെ കത്രിക

കൃത്യമായി മുറിച്ചു കയറിയത് 

Comments

Leave a reply.

മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
captcha image